ახალდაბაში (თბილისის გარეუბანი, საქართველო) მეწყრული პროცესების რეტროსპექტული ანალიზი, 2015 წლის 13-14 ივნისი
საკვანძო სიტყვები:
ატმოსფერული ნალექები, რადიოლოკაციური დაკვირვებები, მეწყერებიანოტაცია
სტატიაში წარმოდგენილია 2015 წლის 13-14 ივნისს ახალდაბის რაიონში (თბილისის გარეუბანი, საქართველო) მომხდარი მცირე მეწყერების სერიამდე ნალექების ინტენსივობის რადიოლოკაციური გაზომვების ანალიზის შედეგები. კერძოდ, მიღებული იქნა შემდეგი შედეგები. 2015 წლის 13 ივნისის 20:49 საათიდან 23:58 საათამდე ღრუბლის მაქსიმალური რადიოლოკაციური არეკვლის ზონაში კუმულაციური ნალექების დროითი სვლა მეხუთე ხარისხის პოლინომის ფორმას ატარებს. 23:58 საათისთვის კუმულაციური ნალექების რაოდენობა 402.8 მმ-ს შეადგენდა. მცირე მეწყერების დაგროვილი რაოდენობის დროითი სვლა 2015 წლის 13 ივნისის 22:30 საათიდან 2015 წლის 14 ივნისის 01:00 საათამდე მესამე ხარისხის პოლინომის ფორმას ატარებს. 1:00 საათისთვის მეწყერების რაოდენობა 98 იყო.
მიღებულია მეწყერების დაგროვილი ჯამის დამოკიდებულება დაგროვილი ნალექების რაოდენობაზე ერთსაათიანი წინსწრები დროით, რომელსაც მესამე ხარისხის პოლინომის ფორმა აქვს. მეწყერების რაოდენობის სწრაფი ზრდა შეინიშნება დაგროვილი ნალექების ზრდასთან ერთად (ერთსაათიანი წინსწრები დროით).
ეს კვლევა კიდევ ერთხელ აჩვენებს, რომ ნალექების ინტენსივობის რადიოლოკაციური გაზომვები შეიძლება ეფექტური ინსტრუმენტი იყოს მეწყერების წარმოქმნაში ნალექების როლის შესასწავლად, ასევე მათი გააქტიურების მოკლევადიანი პროგნოზირებისთვის, განსაკუთრებით იმ ადგილებში, სადაც მიწისზედა ნალექების გაზომვები არ არის ხელმისაწვდომი.
